Prentisiaeth Lefel 3 mewn Gofal, Chwarae, Dysgu a Datblygiad Plant (CCPLD)

Cyflwyniad

Mae’r Brentisiaeth Lefel 3 mewn Gofal, Chwarae, Dysgu a Datblygiad Plant (CCPLD) wedi’i chynllunio ar gyfer unigolion sydd eisoes mewn gwaith yn y sector gofal plant a blynyddoedd cynnar ac yn gweithio mewn rôl arwain neu oruchwylio, megis arweinydd ystafell, ymarferydd meithrin uwch neu rôl debyg.

Mae’r brentisiaeth hon yn darparu’r wybodaeth, y sgiliau a’r ymddygiadau sydd eu hangen i fod yn gyfrifol am arwain ymarfer o ansawdd uchel, goruchwylio a chefnogi staff a sicrhau bod anghenion gofal, chwarae, dysgu a datblygiad plant yn cael eu diwallu. Bydd dysgwyr yn datblygu’r gallu i gynllunio a gwerthuso gweithgareddau, arwain ar ddiogelu a lles ac i weithio’n effeithiol gyda theuluoedd a gweithwyr proffesiynol eraill.

Mae’r cymhwyster yn seiliedig yn llwyr ar waith ac yn cael ei asesu mewn lleoliadau go iawn, gan sicrhau bod pob elfen o’r dysgu yn berthnasol i rôl y dysgwr. Bydd cwblhau’r cymhwyster yn llwyddiannus yn galluogi dysgwyr i symud ymlaen i gymwysterau lefel uwch ac i rolau arwain yn y sector gofal plant a blynyddoedd cynnar.

Gofynion

Pwrpas Craidd a Pwy Mae’n Addas Iddo

• Mae’r brentisiaeth hon ar gyfer y rhai sydd eisoes mewn gwaith yn y sector gofal plant a blynyddoedd cynnar.

• Mae’n anelu at unigolion sydd yn gweithio fel arweinydd, arweinydd ystafell, ymarferydd uwch neu mewn rôl oruchwylio debyg mewn meithrinfeydd, cylchoedd chwarae, lleoliadau gofal dydd neu ganolfannau plant.

• Disgwylir i ddysgwyr ar y lefel hon gymryd cyfrifoldeb dros arwain ymarfer, cefnogi ac arwain eraill a hyrwyddo safonau uchel o ofal, chwarae, dysgu a datblygiad plant.

Sgiliau, Gwybodaeth ac Ymddygiadau a Ddatblygir

Ar ôl cwblhau’r cymhwyster, bydd dysgwyr yn gallu:

• Arwain a hyrwyddo dulliau ymarfer sy’n canolbwyntio ar y plentyn ac sy’n gynhwysol.

• Goruchwylio a chefnogi staff neu wirfoddolwyr i ddarparu cyfleoedd gofal a chwarae o ansawdd.

• Cynllunio, gweithredu a gwerthuso gweithgareddau chwarae, dysgu a datblygiad sy’n diwallu anghenion plant.

• Hyrwyddo iechyd, maeth, hydradiad a lles plant a ymateb yn briodol i salwch, heintiau neu anghenion brechu.

• Gweithio’n effeithiol gyda theuluoedd, gofalwyr a gweithwyr proffesiynol amlasiantaeth.

• Arwain ar ddiogelu, iechyd a diogelwch a gofynion rheoleiddiol yn y lleoliad.

• Myfyrio ar eu hymarfer eu hunain a gwella ymarfer y tîm.

• Defnyddio sgiliau llythrennedd, rhifedd a digidol i gefnogi arweinyddiaeth effeithiol mewn gofal plant.

Unedau Gorfodol ac Opsiynol

Unedau Gorfodol

• Arwain ymarfer mewn CCPLD (gwerthoedd proffesiynol, diogelu, iechyd a diogelwch).

• Arwain cyfleoedd chwarae, dysgu, twf a datblygiad.

• Hyrwyddo maeth a hydradiad yn y blynyddoedd cynnar.

• Ymateb i salwch plentyndod, heintiau, afiechyd a brechu.

Unedau Opsiynol
Yn cael eu dewis i gyd-fynd â rôl arweinyddiaeth y dysgwr, megis:

• Arwain ymarfer ar gyfer grwpiau oedran penodol (0–2, 2–3, 3–7 oed).

• Arwain cefnogaeth i deuluoedd.

• Arwain ymarfer dwyieithog neu drochi.

Asesu

• Tystiolaeth yn seiliedig ar y gweithle yn unig (dim ymarfer efelychiadol).

• Portffolio tystiolaeth gan gynnwys arsylwadau ar arweinyddiaeth, cyfrifon myfyriol, cofnodion gweithgareddau a chynllunio, trafodaethau proffesiynol a thystiolaethau gan dystion.

• Lleiafswm o tua 250 awr o ddysgu dan arweiniad.

Rolau Swyddi

• Arweinydd Ystafell

• Ymarferydd Meithrin Uwch

• Gofalwr Plant mewn rôl arweinyddol (yn rheoli cynorthwywyr)

• Arweinydd Blynyddoedd Cynnar mewn cylch chwarae neu ganolfan blant

Cyfleoedd Datblygu

• Symud ymlaen i gymwysterau CCPLD Lefel 4 neu Lefel 5 / Arweinyddiaeth a Rheoli.

• Derbyn rolau rheoli ehangach megis Dirprwy Reolwr neu Reolwr lleoliad gofal plant.

• Llwybr i raglenni addysg uwch (graddau sylfaen, astudiaethau plentyndod cynnar, addysg).